Catégories, chapitre 1

1.1ὉΜΩΝΥΜΑ λέγεται ὧν ὄνομα μόνον κοινόν, ὁ δὲ κατὰ τοὔνομα λόγος τῆς οὐσίας ἕτερος, οἷον ζῷον ὅ τε ἄνθρωπος καὶ τὸ γεγραμμένον.Homonuma légetai hôn ónoma mónon koinón, ho dè katà toúnoma lógos tês ousías héteros, hoîon zôion hó te ánthropos kaì tò gegramménon.

1.2Τούτων γὰρ ὄνομα μόνον κοινόν, ὁ δὲ κατὰ τοὔνομα λόγος τῆς οὐσίας ἕτερος· ἂν γάρ τις ἀποδιδῷ τί ἐστιν αὐτῶν ἑκατέρῳ τὸ ζῴῳ εἶναι, ἴδιον ἑκατέρου λόγον ἀποδώσει.Toúton gàr ónoma mónon koinón, ho dè katà toúnoma lógos tês ousías héteros· àn gár tis apodidôi tí estin autôn hekatéroi tò zóioi eînai, ídion hekatérou lógon apodósei.

1.3Συνώνυμα δὲ λέγεται ὧν τό τε ὄνομα κοινὸν καὶ ὁ κατὰ τοὔνομα λόγος τῆς οὐσίας ὁ αὐτός, οἷον ζῷον ὅ τε ἄνθρωπος καὶ ὁ βοῦς.Sunónuma dè légetai hôn tó te ónoma koinòn kaì ho katà toúnoma lógos tês ousías ho autós, hoîon zôion hó te ánthropos kaì ho boûs.

1.4Ὁ γὰρ ἄνθρωπος καὶ ὁ βοῦς κοινῷ ὀνόματι προσαγορεύεται ζῷον, καὶ ὁ λόγος δὲ τῆς οὐσίας ὁ αὐτός· ἐὰν γὰρ ἀποδιδῷ τις τὸν ἑκατέρου λόγον, τί ἐστιν αὐτῶν ἑκατέρῳ τὸ ζῴῳ εἶναι, τὸν αὐτὸν λόγον ἀποδώσει.Ho gàr ánthropos kaì ho boûs koinôi onómati prosagoreúetai zôion, kaì ho lógos dè tês ousías ho autós· eàn gàr apodidôi tis tòn hekatérou lógon, tí estin autôn hekatéroi tò zóioi eînai, tòn autòn lógon apodósei.

1.5Παρώνυμα δὲ λέγεται ὅσα ἀπό τινος διαφέροντα τῇ πτώσει τὴν κατὰ τοὔνομα προσηγορίαν ἔχει, οἷον ἀπὸ τῆς γραμματικῆς ὁ γραμματικὸς καὶ ἀπὸ τῆς ἀνδρείας ὁ ἀνδρεῖος.Parónuma dè légetai hósa apó tinos diaphéronta têi ptósei tèn katà toúnoma prosegorían échei, hoîon apò tês grammatikês ho grammatikòs kaì apò tês andreías ho andreîos.