Catégories, chapitre 4

4.1Τῶν κατὰ μηδεμίαν συμπλοκὴν λεγομένων ἕκαστον ἤτοι οὐσίαν σημαίνει ἢ ποσὸν ἢ ποιὸν ἢ πρός τι ἢ ποῦ ἢ ποτὲ ἢ κεῖσθαι ἢ ἔχειν ἢ ποιεῖν ἢ πάσχειν.Tôn katà medemían sumplokèn legoménon hékaston étoi ousían semaínei è posòn è poiòn è prós ti è poû è potè è keîsthai è échein è poieîn è páschein.

4.2Ἔστι δὲ οὐσία μὲν ὡς τύπῳ εἰπεῖν οἷον ἄνθρωπος, ἵππος· ποσὸν δὲ οἷον δίπηχυ, τρίπηχυ· ποιὸν δὲ οἷον λευκόν, γραμματικόν· πρός τι δὲ οἷον διπλάσιον, ἥμισυ, μεῖζον· ποῦ δὲ οἷον ἐν Λυκείῳ, ἐν ἀγορᾷ· ποτὲ δὲ οἷον ἐχθές, πέρυσιν· κεῖσθαι δὲ οἷον ἀνάκειται, κάθηται· ἔχειν δὲ οἷον ὑποδέδεται, ὥπλισται· ποιεῖν δὲ οἷον τέμνει, καίει· πάσχειν δὲ οἷον τέμνεται, καίεται.Ésti dè ousía mèn hos túpoi eipeîn hoîon ánthropos, híppos· posòn dè hoîon dípechu, trípechu· poiòn dè hoîon leukón, grammatikón· prós ti dè hoîon diplásion, hémisu, meîzon· poû dè hoîon en Lukeíoi, en agorâi· potè dè hoîon echthés, pérusin· keîsthai dè hoîon anákeitai, káthetai· échein dè hoîon hupodédetai, hóplistai· poieîn dè hoîon témnei, kaíei· páschein dè hoîon témnetai, kaíetai.

4.3Ἕκαστον δὲ τῶν εἰρημένων αὐτὸ μὲν καθ᾿ αὑτὸ ἐν οὐδεμιᾷ καταφάσει λέγεται ἢ ἀποφάσει, τῇ δὲ πρὸς ἄλληλα τούτων συμπλοκῇ κατάφασις ἢ ἀπόφασις γίνεται.Hékaston dè tôn eireménon autò mèn kath᾿ hautò en oudemiâi kataphásei légetai è apophásei, têi dè pròs állela toúton sumplokêi katáphasis è apóphasis gínetai.

4.4Ἅπασα γὰρ δοκεῖ κατάφασις καὶ ἀπόφασις ἤτοι ἀληθὴς ἢ ψευδὴς εἶναι· τῶν δὲ κατὰ μηδεμίαν συμπλοκὴν λεγομένων οὐδὲν οὔτε ἀληθὲς οὔτε ψεῦδός ἐστιν, οἷον ἄνθρωπος, λευκόν, τρέχει, νικᾷHápasa gàr dokeî katáphasis kaì apóphasis étoi alethès è pseudès eînai· tôn dè katà medemían sumplokèn legoménon oudèn oúte alethès oúte pseûdós estin, hoîon ánthropos, leukón, tréchei, nikâi