Peri Hermeneias, chapitre 1

1.1ΠΡΩΤΟΝ δεῖ θέσθαι τί ὄνομα καὶ τί ῥῆμα, ἔπειτα τί ἐστιν ἀπόφασις καὶ κατάφασις καὶ ἀπόφανσις καὶ λόγος.Proton deî thésthai tí ónoma kaì tí rhêma, épeita tí estin apóphasis kaì katáphasis kaì apóphansis kaì lógos.

1.2Ἔστι μὲν οὖν τὰ ἐν τῇ φωνῇ τῶν ἐν τῇ ψυχῇ παθημάτων σύμβολα, καὶ τὰ γραφόμενα τῶν ἐν τῇ φωνῇ. Καὶ ὥσπερ οὐδὲ γράμματα πᾶσι τὰ αὐτά, οὐδὲ φωναὶ αἱ αὐταί· ὧν μέντοι ταῦτα σημεῖα πρώτως, ταὐτὰ πᾶσι παθήματα τῆς ψυχῆς, καὶ ὧν ταῦτα ὁμοιώματα, πράγματα ἤδη ταὐτά. Περὶ μὲν οὖν τούτων εἴρηται ἐν τοῖς περὶ ψυχῆς·Ésti mèn oûn tà en têi phonêi tôn en têi psuchêi pathemáton súmbola, kaì tà graphómena tôn en têi phonêi. Kaì hósper oudè grámmata pâsi tà autá, oudè phonaì hai autaí· hôn méntoi taûta semeîa prótos, tautà pâsi pathémata tês psuchês, kaì hôn taûta homoiómata, prágmata éde tautá. Perì mèn oûn toúton eíretai en toîs perì psuchês·

1.3ἄλλης γὰρ πραγματείας. Ἔστι δ᾿, ὥσπερ ἐν τῇ ψυχῇ ὁτὲ μὲν νόημα ἄνευ τοῦ ἀληθεύειν ἢ ψεύδεσθαι, ὁτὲ δὲ ἤδη ᾧ ἀνάγκη τούτων ὑπάρχειν θάτερον, οὕτω καὶ ἐν τῇ φωνῇ· περὶ γὰρ σύνθεσιν καὶ διαίρεσίν ἐστι τὸ ψεῦδος καὶ τὸ ἀληθές.álles gàr pragmateías. Ésti d᾿, hósper en têi psuchêi hotè mèn nóema áneu toû aletheúein è pseúdesthai, hotè dè éde hôi anánke toúton hupárchein tháteron, hoúto kaì en têi phonêi· perì gàr súnthesin kaì diaíresín esti tò pseûdos kaì tò alethés.

1.4Τὰ μὲν οὖν ὀνόματα αὐτὰ καὶ τὰ ῥήματα ἔοικε τῷ ἄνευ συνθέσεως καὶ διαιρέσεως νοήματι, οἷον τὸ ἄνθρωπος ἢ τὸ λευκόν, ὅταν μὴ προστεθῇ τι· οὔτε γὰρ ψεῦδος οὔτε ἀληθές πω. Σημεῖον δ᾿ ἐστὶ τοῦδε· καὶ γὰρ ὁ τραγέλαφος σημαίνει μέν τι, οὔπω δὲ ἀληθὲς ἢ ψεῦδος, ἐὰν μὴ τὸ εἶναι ἢ μὴ εἶναι προστεθῇ, ἢ ἁπλῶς ἢ κατὰ χρόνον.Tà mèn oûn onómata autà kaì tà rhémata éoike tôi áneu sunthéseos kaì diairéseos noémati, hoîon tò ánthropos è tò leukón, hótan mè prostethêi ti· oúte gàr pseûdos oúte alethés po. Semeîon d᾿ estì toûde· kaì gàr ho tragélaphos semaínei mén ti, oúpo dè alethès è pseûdos, eàn mè tò eînai è mè eînai prostethêi, è haplôs è katà chrónon.