Peri Hermeneias, chapitre 5

5.1Ἔστι δὲ εἷς πρῶτος λόγος ἀποφαντικὸς κατάφασις, εἶτα ἀπόφασις· οἱ δ᾿ ἄλλοι πάντες συνδέσμῳ εἷς. Ἀνάγκη δὲ πάντα λόγον ἀποφαντικὸν ἐκ ῥήματος εἶναι ἢ πτώσεως ῥήματος· καὶ γὰρ ὁ τοῦ ἀνθρώπου λόγος, ἐὰν μὴ τὸ ἔστιν ἢ ἦν ἢ ἔσται ἤ τι τοιοῦτον προστεθῇ, οὔπω λόγος ἀποφαντικός.Ésti dè heîs prôtos lógos apophantikòs katáphasis, eîta apóphasis· hoi d᾿ álloi pántes sundésmoi heîs. Anánke dè pánta lógon apophantikòn ek rhématos eînai è ptóseos rhématos· kaì gàr ho toû anthrópou lógos, eàn mè tò éstin è ên è éstai é ti toioûton prostethêi, oúpo lógos apophantikós.

5.2Διότι δὴ ἕν τί ἐστιν ἀλλ᾿ οὐ πολλὰ τὸ ζῷον πεζὸν δίπουν· οὐ γὰρ δὴ τῷ σύνεγγυς εἰρῆσθαι εἷς ἔσται. Ἔστι δὲ ἄλλης πραγματείας τοῦτο εἰπεῖν. Ἔστι δὲ εἷς λόγος ἀποφαντικὸς ἢ ὁ ἓν δηλῶν ἢ ὁ συνδέσμῳ εἷς, πολλοὶ δὲ οἱ πολλὰ καὶ μὴ ἓν ἢ οἱ ἀσύνδετοι.Dióti dè hén tí estin all᾿ ou pollà tò zôion pezòn dípoun· ou gàr dè tôi súnengus eirêsthai heîs éstai. Ésti dè álles pragmateías toûto eipeîn. Ésti dè heîs lógos apophantikòs è ho hèn delôn è ho sundésmoi heîs, polloì dè hoi pollà kaì mè hèn è hoi asúndetoi.

5.3Τὸ μὲν οὖν ὄνομα ἢ ῥῆμα φάσις ἔστω μόνον, ἐπειδὴ οὐκ ἔστιν εἰπεῖν οὕτω δηλοῦντά τι τῇ φωνῇ ὥστε ἀποφαίνεσθαι, ἢ ἐρωτῶντός τινος, ἢ μή, ἀλλ᾿ αὐτὸν προαιρούμενον.Tò mèn oûn ónoma è rhêma phásis ésto mónon, epeidè ouk éstin eipeîn hoúto deloûntá ti têi phonêi hóste apophaínesthai, è erotôntós tinos, è mé, all᾿ autòn proairoúmenon.

5.4Τούτων δὲ ἡ μὲν ἁπλῆ ἐστὶν ἀπόφανσις, οἷον τὶ κατά τινος ἢ τὶ ἀπό τινος, ἡ δὲ ἐκ τούτων συγκειμένη οἷον λόγος τις ἤδη σύνθετος.Toúton dè he mèn haplê estìn apóphansis, hoîon tì katá tinos è tì apó tinos, he dè ek toúton sunkeiméne hoîon lógos tis éde súnthetos.

5.5Ἔστι δὲ ἡ ἁπλῆ ἀπόφανσις φωνὴ σημαντικὴ περὶ τοῦ ὑπάρχειν τι ἢ μὴ ὑπάρχειν, ὡς οἱ χρόνοι διῄρηνται.Ésti dè he haplê apóphansis phonè semantikè perì toû hupárchein ti è mè hupárchein, hos hoi chrónoi diéirentai.