Seconds Analytiques, livre 1, chapitre 29

87bΠλείους δ' ἀποδείξεις εἶναι τοῦ αὐτοῦ ἐγχωρεῖ οὐ μόνον ἐκ τῆς αὐτῆς συστοιχίας λαμβάνοντι μὴ τὸ συνεχὲς μέσον, οἷον τῶν Α Β τὸ Γ καὶ Δ καὶ Ζ, ἀλλὰ καὶ ἐξ ἑτέρας. οἷον ἔστω τὸ Α μεταβάλλειν, τὸ δ' ἐφ' ᾧ Δ κινεῖσθαι, τὸ δὲ Β ἥδεσθαι, καὶ πάλιν τὸ Η ἠρεμίζεσθαι. ἀληθὲς οὖν καὶ τὸ Δ τοῦ Β καὶ τὸ Α τοῦ Δ κατηγορεῖν· ὁ γὰρ ἡδόμενος κινεῖται καὶ τὸ κινούμενον μεταβάλλει. πάλιν τὸ Α τοῦ Η καὶ τὸ Η τοῦ Β ἀληθὲς κατηγορεῖν· πᾶς γὰρ ὁ ἡδόμενος ἠρεμίζεται καὶ ὁ ἠρεμιζόμενος μεταβάλλει. ὥστε δι' ἑτέρων μέσων καὶ οὐκ ἐκ τῆς αὐτῆς συστοιχίας ὁ συλλογισμός. οὐ μὴν ὥστε μηδέτερον κατὰ μηδετέρου λέγεσθαι τῶν μέσων· ἀνάγκη γὰρ τῷ αὐτῷ τινι ἄμφω ὑπάρχειν. ἐπισκέψασθαι δὲ καὶ διὰ τῶν ἄλλων σχημάτων ὁσαχῶς ἐνδέχεται τοῦ αὐτοῦ γενέσθαι συλλογισμόν.Pleíous d' apodeíxeis eînai toû autoû enchoreî ou mónon ek tês autês sustoichías lambánonti mè tò sunechès méson, hoîon tôn A B tò G kaì D kaì Z, allà kaì ex hetéras. hoîon ésto tò A metabállein, tò d' eph' hôi D kineîsthai, tò dè B hédesthai, kaì pálin tò E eremízesthai. alethès oûn kaì tò D toû B kaì tò A toû D kategoreîn· ho gàr hedómenos kineîtai kaì tò kinoúmenon metabállei. pálin tò A toû E kaì tò E toû B alethès kategoreîn· pâs gàr ho hedómenos eremízetai kaì ho eremizómenos metabállei. hóste di' hetéron méson kaì ouk ek tês autês sustoichías ho sullogismós. ou mèn hóste medéteron katà medetérou légesthai tôn méson· anánke gàr tôi autôi tini ámpho hupárchein. episképsasthai dè kaì dià tôn állon schemáton hosachôs endéchetai toû autoû genésthai sullogismón.