Seconds Analytiques, livre 1, chapitre 8

75bΦανερὸν δὲ καὶ ἐὰν ὦσιν αἱ προτάσεις καθόλου ἐξ ὧν ὁ συλλογισμός, ὅτι ἀνάγκη καὶ τὸ συμπέρασμα ἀΐδιον εἶναι τῆς τοιαύτης ἀποδείξεως καὶ τῆς ἁπλῶς εἰπεῖν ἀποδείξεως. οὐκ ἔστιν ἄρα ἀπόδειξις τῶν φθαρτῶν οὐδ' ἐπιστήμη ἁπλῶς, ἀλλ' οὕτως ὥσπερ κατὰ συμβεβηκός, ὅτι οὐ καθ' ὅλου αὐτοῦ ἐστιν ἀλλὰ ποτὲ καὶ πώς. ὅταν δ' ᾖ, ἀνάγκη τὴν ἑτέραν μὴ καθόλου εἶναι πρότασιν καὶ φθαρτήν-φθαρτὴν μὲν ὅτι ἔσται καὶ τὸ συμπέρασμα οὔσης, μὴ καθόλου δὲ ὅτι τῷ μὲν ἔσται τῷ δ' οὐκ ἔσται ἐφ' ὧν-ὥστ' οὐκ ἔστι συλλογίσασθαι καθόλου, ἀλλ' ὅτι νῦν. ὁμοίως δ' ἔχει καὶ περὶ ὁρισμούς, ἐπείπερ ἐστὶν ὁ ὁρισμὸς ἢ ἀρχὴ ἀποδείξεως ἢ ἀπόδειξις θέσει διαφέρουσα ἢ συμπέρασμά τι ἀποδείξεως. αἱ δὲ τῶν πολλάκις γινομένων ἀποδείξεις καὶ ἐπιστῆμαι, οἷον σελήνης ἐκλείψεως, δῆλον ὅτι ᾗ μὲν τοιοῦδ' εἰσίν, ἀεὶ εἰσίν, ᾗ δ' οὐκ ἀεί, κατὰ μέρος εἰσίν. ὥσπερ δ' ἡ ἔκλειψις, ὡσαύτως τοῖς ἄλλοις.Phaneròn dè kaì eàn ôsin hai protáseis kathólou ex hôn ho sullogismós, hóti anánke kaì tò sumpérasma aḯdion eînai tês toiaútes apodeíxeos kaì tês haplôs eipeîn apodeíxeos. ouk éstin ára apódeixis tôn phthartôn oud' epistéme haplôs, all' hoútos hósper katà sumbebekós, hóti ou kath' hólou autoû estin allà potè kaì pós. hótan d' êi, anánke tèn hetéran mè kathólou eînai prótasin kaì phthartén-phthartèn mèn hóti éstai kaì tò sumpérasma oúses, mè kathólou dè hóti tôi mèn éstai tôi d' ouk éstai eph' hôn-óst' ouk ésti sullogísasthai kathólou, all' hóti nûn. homoíos d' échei kaì perì horismoús, epeíper estìn ho horismòs è archè apodeíxeos è apódeixis thései diaphérousa è sumpérasmá ti apodeíxeos. hai dè tôn pollákis ginoménon apodeíxeis kaì epistêmai, hoîon selénes ekleípseos, dêlon hóti hêi mèn toioûd' eisín, aeì eisín, hêi d' ouk aeí, katà méros eisín. hósper d' he ékleipsis, hosaútos toîs állois.